ГӀалгӀайчен 41 моттигах дола хоамаш юкъедихьар ЕГРН
ГӀишлой моттигех ЦаӀ йолча паччахьалкхен реестра юкъедихьар, 41 гӀалай моттигех дола хоамаш. Из болх чакхбаьккхаб Россе Президента Путин Владимира, Паччахьалкхенна кулгал деча Мишустин Михаила тӀадилла. Вай Мехкадас Келаматанаькъан Махьмуд-Ӏаьлас белгалдир, гӀалай моттигаш реестра юкъеяхьар тахан лоархӀаме, уж доазош лорадара, меттаоттадара тӀехьа эшаш болх болга.
«Хьалкхувш латтача тӀехьенга вай культуран оагӀонцара даьшкара хьакхаьча моттигаш лораеш дӀаяла аьттув хургба вай, иштта моттигера инвестиционни, туризма хьалаш тоадара тӀехьа а лоархӀаме болх ба из», - аьлар вай Мехкадас.
Юкъейихьарашца я Лейми, Аьга-Кхала, Хамхе, Пялинг яха гӀалгӀай шира юрташ. Из болх дӀахохьоргба гаргарча шерашка, гӀалай 20 моттиг лораярах дараш белгалдеш.
Вай Мехкадас аьлар, культураца ювзаенна йола республикера моттигаш лорае, лархӀа езилга, хӀана аьлча уж вай истори да, вай даьй селханара вахар хьагойташ йола моттигаш я. Цул совгӀа, туризма оагӀонцара хьал а дикка тоаде аьттув ба вай цу моттигашка гӀолла.
