Гиретера тӏормигилг-бохча корадир
16.03.2026 09:03
Гирети яхача гӏалай юрта болх дӏахьош боахкача болхлошта цхьа боккха боаца тӏормигилг-бохча корадир. «Сердалога» из хоам бир «Тӏехьале» яхача тӏоговзанчий ишколе.
«Дӏадахача шера № 3 йолча малхарча кашара корайир из хӏама. Иштта дола тӏормигилгаш юкъах доаллача тӏехкарах дӏахетта леладеш хиннад тхьоврача кхалнаха. Дӏахо тохкам беш латт историкаша», - дийцар тха газетага.
Иштта дола зӏамига тӏормигилгаш, гӏайбилгаш, иштта кхыдараш царна чухьнаха йисача хӏамаех малагӏча гӏулакха леладаьд тохкаш хул археологаш. Царга гӏолла гӏалай юрта баьхача вай даьша малагӏа болх, гӏулакхаш леладаьд ха йиш я.
