Геза хӏама корайир вай лоаман моттиге
Лохера Пхьуй яхача гӏалай юрта болх дӏахьош боахкача археологашта, геза хӏама корайир. Из хоам «Сердалога» бир «Тӏехьале» яхача тӏоговзанчий ишколо.
№ 4 йолча тӏема гӏалан чура корайир из хӏама археологашта. 1910-ча шерашкара хӏама хила мегаш я из, хьадувцачох. Из малагӏча гулакха лелаяьй тахка гӏерташ ба историкаш. Цкъарчоа-м хӏамаш хьалъухкача мӏарах тара хет, аьнна, соцам баьбар, бакъда дикка хьежача гуш да из цу гӏулакха лелаяь хӏама йоацилга. Цхьаболча археологаша тӏехкара кӏаьга хила деза из аьннадар, амма къаьнарча ханашка диллача, цу тайпара дӏадехкаш тӏехкараш вай мехка хиннадац.
Лохерча Пхьуй музее енача цхьан кхалсага белгалдечох, дӏаяхача хана тайнех тӏӏирг еш хинна хӏама хила езаш я из. Хьаягӏа ши зӏок сага юкъах дӏатессе, юкъе таьш чуоттадеш хиннад. Кулгашца уж вӏаший дувзаш тӏӏрга хьисапе хӏама хьаеш хиннай. Кхаь тайпара таьш цунна чуоттаде йиш йолаш хиннилга гуш да.
