Лоаме тохкама балхаш дерашта кастлуш корадаь гӀирсаш гойташ, музей хьаелларгья
16.10.2024 09:52
Карарча шера лайчилла бетта хьаеллаш я музей. Из хургда Лохера Пхьуй яхача тоаяь яьннача гӀалай архитектурни гӀишлой цхьа дакъа. Музей хьаеллаш болх дӀабихьар я «ТӀехьале» яхача гӀишлош меттаоттаерий ишкола тоаба.
Хургйолча музее тамашийна гӀирсаш го йиш я. Из вӀашагӀъеллараша къахьег, хӀара сага вай даьй ханара лоамара вахар довзийташ.
Цига 500 гаргга тамашийна гӀирс гулбаьб, цу юкъе я имам Шамала хинна шалта, ХӀХ бӀаьшерен пхорч деш хинна кеп, ХVӀӀ бӀаьшерен топа оатхал, иштта кхы дуккхадараш а. Музее кхы а дукха гӀирсаш хила тарлу, хӀана аьлча Лохерча Пхьуй доазон тӀа тохкама болх кхы а дӀахохьош ба.
Мах боацаш, цига хьажа йиш я пӀаьраска дийнахьа делкъел тӀехьагӀа, кхыча деношка ишкола тоаба археологе балхаш деш я.
