Лоаман Жӏайрахьа дӏайихьар, бераш токах лорадара урокаш
«Къилбаседа Кавказа Россеташа» - «Ингушэнергос» лоаман Жӏайрахьа дӏайихьар токах лоравалара йола урокаш. Цига дакъа лоацаш хилар цхьоалагӏча, кхоалагӏча, пхелагӏча, бархӏлагӏча классашка вагӏа 70 гаргга дешархо.
Энергетикаша берашта дийцар, токацара хьал довзийташ дола къамаьл, тока юхе кхаьчача мишта хила веза, лоравалара керттерча бокъонех, иштта кхы дӏаходар а.
Бераша кхетадир токах лорадалара керттердараш, ӏолийга дадача тока саьргашта юхеаха йиш цахилар, тока бӏоагӏа тӏа вала йиш йоацилга.
Иштта дешархошта довзийтар токацара хьал унзара хилар, хьалхадаьккхар, сага ток теха моттиг нийсъеннача тӏакхоаче, хьалхара новкъостал мишта де деза.
Цул совгӏа, «Ингушэнерго» говзанчаша берашта дийцар, «Россетий» компане тоабан лаьрххӏача проектах, «ВКонтакте» яхача вахара бувзамашка Лампочкина Машас, кхерам боацаш йола бокъонаш лелае ӏомабелга.
Дӏахьош йола урок сакъердамегӏа, дикагӏа дагайоагӏаш хилийтара юкъедаьхадар тайп-тайпара бесаш. Хӏара урок викторина йолаш дӏайихьар.
«Тха декхар да хӏаранена дӏадовзийта, токацара унзара хьал. Бераш ӏомадар - тока кхерамзленна керттердараш лорадар - из да цар хургдола вахар лорадара деш дар», - аьлар «Ингушэнерго» филиала кулгалхочун декхараш кхоачашдеш волча Котаганаькъан Кимрана.
Бераш токах лорадара йола кхетаченаш «Ингушэнерго» филиала говзанчаша дӏахьу, «Россеташ» бехктокхаме мел йолча доазон тӏа. Цу балха чудоагӏа, юхерча дешара моттигашта тематически урокаш, конкурсаш, викторинаш дӏаяхьар, экскурсеш яр тока гӏишлошка, иштта технически тока гӏирсашка хьажар.
