ТӀахьожама комиссе кхетаче дӀайихьар Паччахьалкхен архиве
07.08.2025 12:12
Паччахьалкхен архиве кхетаче дӀахьош хилар тӀахьожама комисси. Цига дийцар архиверча каьхаташца дувзаденнарех, царцара болх мишта дӀабахьа беза.
Тайп-тайпарча моттигашкара архиве хьачуухаш долча каьхаташка хьежар комисси. Цу юкъе яр Росреестра моттиг, ГКУ «СпецАТП», Контрольно-счётни палата. Къаьстта йоккха терко тӀаяхийтар лоархӀаме долча, мехкарча йоазонхочунца Мерешканаькъан Султанаца бувзам болча каьхаташта.
Гулбеннараша белгалдир архиве доададе эшаш доаца каьхаташ доагадаь дӀадахарах йола акташ кийчъярах. Архивера болх боаггӀача боараме дӀагӀоргболаш юкъедоаладе дезарех дийцар цига. «Сердалога» из хоам мехкадаь зарбан болх лелабераша бир.
