Суртанчий музее, Коталон ди долаш, говзанч-хьехам хургба
Коталон ди хьатӀадоагӀаш, ГӀалгӀайчен исбахьален искусствай Паччахьалкхен музее говзанч-хьехам дӀахьоргба цӀайга кийчо яра лаьрхӀа - цига хьадергда наькх тӀа доахкаду маьхий (брошкаш), царца цхьана цӀайна даздараш санна дувзаргда михьигаш (гвоздикаш) оала зизаши Георгиевски зигаши. Цу балха тӀахьожаш хургья кулгаговзал йола искусствай говзанча Хазанаькъан Марет.
«Цига дакъа лоацараш Ӏомалургба фоамиран оалача хӀамах наькх тӀа доахкаду маьхий хьаде, цу материалах яьча хӀаманна атта басар а дулу, дика хозде а таро хул. Михьигаш Сийлахь-боккхача Даьймехка тӀема турпалхой дагалоаттама хетадаь да, моастагӀчунна духьалъэтта цар яьккха котало йиццаяра дӀахьош да из», - аьлар «Сердало» газетага ГӀалгӀайчен ИЗО Паччахьалкхен музее.
Кхетаче дӀаяхьа лерхӀ, маьтсела бетта 7-ча дийнахьа 14 сахьат 30 минот яьлча. Хазанаькъан Марета дӀахьош бола говзанч-хьехам «Пушкина карта» яхача федеральни программанна чубоагӀаш ба, цига дакъа лаца безам болчар таро я шоай начӀал гойта.
Говзанч-хьехама юкъе дакъа лоацаш мел волчун бокъо я, шоашца наькх тӀа доахкаду маьхий дӀадахьа, шоай гаргарча наха дала е цӀай долча дийнахьа шоашца леладе.
