Вайцига кийчо еш ба гурахьара ялат дӀаде
Республике дӀадоладаьд гурахьа лаьтташ ахарга, ялат дӀадерга кийчо еш дола балхаш. Из болх дӀахьоргба, ардара бетта 5-ча денгара лайчилла бетта 5-ча денга кхаччалца. Еррига хӀамай-чоалха таронаш 100% кийча я, кхашкара балхаш дӀахьош ба 600 юртбоахама гӀирс, яхаш, дийцар «Сердало» газетага ГӀалгӀай Республикан Кулгалхочун, Паччахьалкхен зарбан болх лелабераша.
Карарча шера дӀаде лерхӀ Ӏай дӀадувш долча ялата фу 28,6 эзар гектара тӀа, цу юкъе 19,7 эзар Ӏай дӀадувш дола кӀа, 5,2 эзар гектар мукх, 1,9 эзар гектар чхьовга (рапс), 1,8 эзар гектар доакъара лаьрхӀа дӀадувш дола ялаташ. Карарча хана фермераша дӀаде кийчдаьд 11,2 эзар гектара тӀара ялат.
ГӀалгӀайчен кулгалхочо Келаматанаькъан Махьмуд-Ӏаьлас тӀадиллар юртбоахама Министерствонна, ялат дӀаде кийчо яра гӀулакха керттера терко лоаттаеш хилар, хӀана аьлча цох тийша да 2025 шера хьахургдола ялат.
