Къаман проектага гӀолла, 8 моттиг тоаяьй вай мехка
Шахьара куц тоадарах йолча къаман проекта чуйодача шахьара моттигаш эргайоахача моттигерча проектага гӀолла, укх шера вай мехка 20 доазув тоадеш латт. Карарча хана болх йистебаьннаб 8 моттиге.
«Таханарча дийнахьа кийча я МагӀалбикера, Илдарха-ГӀалий тӀара, Шолжа-Шахьарера, Наьсарера, МагӀалбика, ЖӀайрахьа кхалешкара моттигаш. Ӏан хьалхарча бетта 1-ча денга кхачалехь болх йистебаккха лерхӀ юхедисача доазонаш тӀа.
«Шахьара хьал тоадарах йола къаман проект республиканна чӀоагӀа беркате хиннай; наха салаӀа моттигаш, спорта доазонаш кийчдарца. Тоае езаш йиса моттигаш а, боаггӀача боараме доаккхал де йиш хургйолаш, кийча хилийтар лоархӀаме да вайна тахан», - белгалдир Мехкадаь зарбан болх лелабераша, Келаматанаькъан Махьмуд-Ӏаьлан къамаьл теркаме а лоацаш. Шахьара куц эргадаккхарах йолча къаман проекта лаьрхӀа федеральни оагӀоно хьахьожадаь ахча 125 млн да, цунга дӀадода деррига ахча 127 млн сом да.
