СВО доакъашхой ахчанца болх бе ӏомабу
Ахчанца дувзаденнараш дикагӏа довзийтарца бувзабенна болх лоаттабу СВО доакъашхой дзалашта гӏо лоаттадарах йолча «ZА - Правду» яхача ганзо. Къаман Фронта доазон тӏа йийшар лекци. «Сердалога» из хоам бир цу моттигера.
«Дешара оагӏонцара лекци турпалий дезалашта ахчанца дувзаденнараш дикагӏа довзийтара тӏехьа ешаш яр. Цу гӏулакха хьалхаэттар я Российски Федераце Паччахьалкхен Дума Кулгалхо йола Кузнецова Анна.
«ZА - Правду» яхача ганзо эггара хьалхагӏа хьаллаьцар из гӏулакх мехка. Ахчанца дувзаденнараш дикка довзаш болча говзанчаша доакъашхошта дийцар тахан геттара даьржа долча цу оагӏонцарча зуламех.
Доалахьарча хӏаман доал дар, зуламхоех из лорадар мишта хила деза белгалдир цар. Цул совгӏа, тешаме ца хетача моллагӏча сага телефон хьатехача фу де деза, ший ахча зуламхой каракхоачаргдоацаш сенах лоравала веза, хьалхадаьккхар цига», - йоах тхога бенача хоамо.
«Тӏема доакъашхой дезалашта из болх бовзийтар лоархӏаме да, тахан латтача хана. Цу оагӏонца дувзаденнараш дикагӏа довзаш хилча зуламхоех лорабала аттагӏа да Даьхен лорабой дезалашта», - дийцар тхога ганза болхлоша.
