Гӏалгӏай депутаташца дийцар, транспортах йоал лакхъяр
Гӏалгӏайчен Халкъа Гуллама депутаташа дийцар, бюджете хьачубоагӏаш бола пайда алсамбоаккхаш, транспортах лу йоал лакхъярах. НС зарбан болх лелабераша ма аллара, уж хувцамаш юкъедоахаш да РФ рузкъан Министерствос могадарах.
«Законопроект юкъейоаккхаш, дӏалоархӏаш ба Къилбаседа Кавказа федеральни куран тӏагӏолла латта мах. Республикера транспортах йоал яккхара мах эггара лохагӏа ба, кхыча моттигашка хьежача. Цу тайпара закон тӏаэцаро Гӏалгӏай Республикан бюджете хьачубоагӏа пайда лакхагӏа бергба. Из ахча дӏадохийтаргда мехка наькъа ганзаш вӏашагӏйохкара», - аьлар ГӏР Минфина кулгалхочо Вешкаранаькъан Темарлана.
Бюджета хьал тоадара из гӏа хьалхара боаккхаш бац Гӏалгӏайчен Ӏаьдало. Хьалхагӏа РФ Паччахьалкхено Гӏалгӏайченгара дӏадийхар ЖКХ боагӏаш бола мах гулбара боарам 87,4% кхаччалца хилийтар.
2025 шу чакхдоалаш, ӏаьдала болхлой республике гӏолла коммунальни хьалех хьадала деза декхар гулдеш хилар. Иштта, йӏовхал хьаэттача, шахьара администраце болхлоша, газа гӏулакха викалаша доккхий декхараш доахкача наьха газ дӏайоаеш, ток дӏахоадаеш болх дӏабихьар.
