Берий ловзарах бала хилар
МагӀалбика кхален СоагӀапча вахача ийс шу даьннача кӀаьнка ший коа, атта лоталуш бола гӀирс чуболча шушаца ловзаш воаллаш, из лотаяларах корта, къамарг, дегӀ, кулгаш, когаш доагадир 48%, яхаш, хоам бу ГӏалгӀайчен МЧСа зарбан болх лелабераша.
Эггара халагӀа дар да, бераша пхи литр чуйодача шуша чура тӀоадал лаьтта Ӏо а яхийта, из хьаллотаяь хилар. Цӏи сиха михьаръяьлар.
Хоам бу, цхьа бер доагадаь хиларах, из дарбанче дӀадигар.
Цунца дувзаденна республикан МЧСо цӀаькха а хьалхадоаккх: бераш тӀакхоачаргдоацача моттиге леладе сиха лоталуш дола хӀама; берашта хьалхадаккха царех хьадоала доккха зулам; лоталуш йола коачал чуйола хӀама цӀералла ма кхосса; йоагаш йолча плитканна юхе ма дахийта бераш, лорае царех барзкъашта етта аьшк, чайник, даьтта чудола радиатор.
