Керттера терко цу бюджетага дӀадодачоа тӀайохийтаргья, вахара хьашташ кхоачашдарга хьежжа. Цул совгӀа, Путин Владимира маьтсела бетта амараш кхоачашдара хьал а дӀа лоархӀаргда, алапеш айдара, кхы а дукха хӀама чулацара тӀаберзабаь ба бюджет тӀаэцара болх.

ХьатӀабоагӀа пайда дӀалоархӀаргба йоал яккхара законага, ГӏалгӀайчен вахара-экономически дегӀаярга хьежжа. Из тийша да 2024 шера хьатӀабоагӀача пайдах.

«Бюджета вахара декхараш ма дарра кхоачашде хьож тхо. Шера йола бюджет кхоачашъяра керттердар да дӀадодар, хӀана аьлча бахархой хьашташка хьежжа нийсде дезаш да из.

Дувцар дувзаденна да унахцӀенонца, дешарца, таро йоацарашта аьттув баларца (льготашца), берашта луш долча вахар хьаллоацача ахчанца.

Цудухьа, хӀара шера вай мехка бюджет хьалхарча аргӀагӀа вахара хьашташта тӀаерзаяь хул», - аьлар ГӏалгӀайчен кулгалхочо Келаматанаькъан Махьмуд-Ӏаьлас.