ТӀайоагӀача пешкаш лотаеча ханага, кийчо еш ба республике
30.07.2025 09:43
ТӀайоагӀача шелалга, кийчо е болалуш ба вай мехка. Цу оагӀонцара болх дӀаболабаьб пхе моттиге – Наьсарен-Шахьар тӀа, Наьсарен кхале, МагӀалбике, Илдарха-ГӀалий тӀа, Магасе. Из хоам «Сердалога» бир мехкадаь зарбан болх лелабераша.
Цига болх беш ялх йоккха цӀераш йоагаю, 54 вӀаштӀара даьча цӀагӀа бахача наха йӀовхал лоаттаю моттиг. Цу оагӀонцара болх боаггӀача боараме хилийтара тӀехьа, лакха тӀахьожам беш ба хьакимаш. «14 эзар совгӀа болча бахархошта йӀовхал тела езаш я уж моттигаш.
Ардара бетта 1-гӀа ди тӀаотталехь; лерттӀа тоабаь латташ, кийча хила безаш ба наха йӀовхал лоаттаеча моттигашцара болх. ТӀайоагӀача шелалга кийча хила дезаш да вай, цхьаккха кхоачамбоацар юкъе доацаш», - белгалдир мехкадас Келаматанаькъан Махьмуд-Ӏаьлас.
