ГӏалгӀай мехка хьадаьккхар 700 эзар сом мах бола къайлагӀа хьадаь корта бохабу малар
ГӏалгӀайчен Россе МВД доал деча даькъ тӀарча «Сунженски» лоткъам эцача моттиго зуламца дувзаденна гӀулакх хьадийллар лоалахарча мехка яхаш йолча кхалсага духьала, яхаш, дийцар «Сердало» газетага республикан МВД.
«Из бехке ю къайлагӀа хьадаь малар дохкаш хиларах, иштта цу товара белгалонаш гойташ дола тешал бокъо йоацаш леладарах», - аьлар хоамо.
Белгалду, цу кхалсага из малар лоаттадаьд Шолжа кхален Гӏажарий-Юртарча тика тӀа. Бокъонаш лораераш хьежар цу тика чу, царна корайир 900 къаракъа, коньяка шуша; цӀихезача маларий каьхаташ тӀа а дохкаш. РФ законах доагӀаш дола каьхат дацар цу товараца. Гӏулакх довзараша яхачох, цу дерригача товара мах 700 эзар сом ба.
Бокъо йоацаш дохкаш хинна товар дӏадаьккхар экономически кхерамзлен, иштта ГӏалгӀай Республике гӀолла йолча МВД коррупцена духьаларча Урхаллен болхлоша. Полице цу гӀулакхах болх дӀахьош ба; цул совгӀа, тохкаш да мичахьара лоаттаду каьхат доаца малар.
