ГӀалгӀай мехка цӀенхаштта тоадергда 4 вӀаштӀардаь цӀа
ГӀалгӀайче дӀайолалуш я аргӀанара йӀаьха вӀаштӀардаь цӀенош цӀенхаштта тоадара программа. Карарча шера тоаде лерхӀаш да диъ МКД: царех кхоъ да МагӀалбике, цаӀ -Наьсаре.
Балхаш дӀадоладергда тов бетта, уж йистедала дезаш да, ер шу чакхдоалаш. ЦӀенхаштта тоадара чудоагӀаш да инженерни балхаш кердадахар, хин турбаш хувцар, иштта бӀеха хиш дӀауха моттигаш тоаяр, электрически, йӀовхала хьалаш кердадахар, подвал тоаяр.
ГӀалгӀай Республикан Кулгалхочун, Паччахьалкхен зарбан болх лелабераша яхачох, хӀара шера вӀашагӀболл вӀаштӀардаь цӀенош аргӀанара тоадара болх, моттигерча программанна чубоагӀаш. Цо таро лу, вахара фусамаш лораярал совгӀа, дуккха а дикагӀа леладе коммунальни гӀулакхаш, иштта хьакхолл вахара дикагӀа хургдола хьалаш.
«Къаьстта белгалде безам ба, бахархой шоаш а цу юкъе дакъа лаца декхарийла хилар, цар шоай ханнахьа пайда эцача хьалех мах дӀалуш хилча, цунга хьежжа цӀенхаштта тоаде таро дикагӀа хул.
Цхьана къахьегаш хилча мара, кхоачашъе йиш яц из программа дика, вахара фусам кхерамзле йолаш хилийтара», - аьлар Келаматанаькъан Махьмуд-Ӏаьлас.
Белгалду, хьатӀадоагӀача шера тоаде лаьрхӀад 21 вӀаштӀардаьча цӀа, царех 14 да Наьсаре, иштта 7 - МагӀалбике. Из программа дӀайолайича денз, мехка тоадаьд 82 цӀа, керттера балхаш деш, 221 - тӀехьара тӀа деш дола балхаш деш.
