Мехкара эггара йоккхагӀа йолча библиотекан куц хувца лерхӀ
Янданаькъан Жамалдий цӀи лелаеш йола Шолжа-Шахьарера библиотека тоае болабеннаб укх шера тушола бетта. Кастта дикка куц хийца йолаш, бӀаргагургья вайна мехка эггара йоккхагӀа йола библиотека. Мехкадаь зарбан болх лелабераша белгалдечох, болх дикка гаьнабаьнна бодаш ба. Чухьара балхаш деш боахк цига карарча хана.
1953-ча шера хьайийллар цу моттиго ший наӀараш. Тахан деш долча хувцамаша дикка аттачахьа доаккхаргда цу чу къахьегаш волча 60 болхлочун хьал, иштта чуухача наха а паргӀато хургья.
Вай мехкадас Келаматанаькъан Махьмуд-Ӏаьлас ший вахара оагӀонашка хьоахадир цох. Таханарча дийнахьа библиотеко леладеш 165 эзар совгӀа каьхаташ да.
«Цу чу кхийнаб дукха тохкамхой, йоазонхой, культураца къахьегараш. Таханарча ханага хьежжа, тоаяь хургья библиотека», - белгалдир мехкадас. 2026-ча шерга кхаччалца ба из боккха болх.
Минстроя болхлошкара кхаьчача хоамах, укх шера оагӀой бутт йистебоалаш, кийча хургья библиотека ший дешархой тӀаэца.
