Дукха бераш долча ноаной пенсеца, хувцамаш хилар вай мехка
Ер шу доладелча денз, РФ пенсионни Ганза оагӏон болхлой 8 эзар совгӏа дукха бераш долча ноаной пенсешка хьожаш хилар. Из хоам «Сердалога» цу моттигера бу.
«Таханарча кердача хувцамашка диллача, 2026-ча шера наджгоанцхой бетта 1-ча дийнахьа денз, массадолча берашка цар 1,5 шу даллалца хьажар цу оагӏонцарча стажа юкъедодаш да. Пхелагӏа, ялхлагӏа, дӏахо тӏакхийтта бераш дӏаяздеш болх дӏахьош ба цига.
Хьаӏайна латтача пенсионни коэффиценташка хьежжа хургба пенсе боарам, хӏаьта пенси хьадоладалара стаж хиланза яргйоацаш я. Из болх цасоццаш дӏахохьош ба мехка», - йоах тхогарча хоамо.
«Пенсецара хӏама юха кердадаккхар пенсех бахарашта мара доагӏаш дац. Пенсе баха кийчлуш болча дукха бераш долча ноаношта, берашка хьожаш хинна ха ше дӏаюкъейодаш хургья», - дийцар мехкарча СФР оагӏон кулгал деча Йовлой Зубейра.
