ГӏалгӀайче эргайоаккхаргья агропромышленни комплекс
ГӏалгӀайчен агропромышленни комплекс 2024 шера дика дегӀаера. Республикан юртбоахамо кхоачашйир паччахьалкхен унитарни предприятей таронаш совъяхара йола программа.
ГӏалгӀай Республикан Кулгалхочун, Паччахьалкхен зарбан болх лелабераша беча хоамах, 17 ГУП дӀахьош я юртбоахама болх 60,5 эзар гектар юртбоахама лаьтташ тӀа. Предприятей керттера болх ба баьцадаараш кхедар, хьайбаш леладар.
Таханарча денга кхоачаш 11 ГУП бехктокхам лаьгӀбаьча юкъарлонех я. Цо таро лу болх аттагӀа дӀабахьа, цу юкъе доалахьара инвестицеш яха. Белгалдаккха дезаш да, карарча хана пайда бахьаш йоаца шиъ ГУП дӀаяьккхай, кхы а шиъ дӀаяккхара бола болх чакхбаккха безаш я.
Керттера терко тӀайохийт, лаьтташ пайда боаккхаш леладара. 2024 шера аренда 40 барт чӀоагӀбаьб, иштта 223 соцам а ба лаьтташ леладара луш йолча бокъон тӀехьа хувцамаш дарах. Цо таро елар соахка республикан бюджете чудоагӀаш хилийта 10,3 млн сом.
«Республикан юртбоахамо, ГӏалгӀайчен Кулгалхочун, Паччахьалкхен Администраце, Паччахьалкхен бокъоний урхалленца цхьана дӀахьу, банкрота йолхача предприятей юридически хьал сихагӀа чакхдаккхара болх, йиллача хана реформа яра», - аьлар мехка кулгалхочо Келаматанаькъан Махьмуд-Ӏаьлас.
