Шолжа-Шахьарерча ЦРБ ший болх шаьрбеш хилар МЧС
Шолжа шахьарерча ЦРБ коа болх дӀабахьа гулбелар МЧС, иштта кхыйолча моттигашкара болхлой. Из хоам «Сердалога» бир цу моттигера.
Тха газетага дийцачох, кхетаче белгалдир цӀаьхха моллагӀа хатар хилча, масала, цӀи яьнна, теракт яь, е саг чувоацаш лела гӀирс тӀабена хӀама нийслой, эггара хьалхарча аргӀанца де дезараш. «Кийчон балха юкъе дакъа лоацаш бар республикерча Россе ФСБ, МО МВД, Росгварде, МЧС болхлой.
Кхетаче дакъа лоацаш хилар унахцӀенон гӀулакхех йолча министерствон болхлой, Шолжа-Шахьарерча терроризма духьале лоаттаеча комиссе доакъашхой. Из санна бола болх дӀакхахьар чӀоагӀа лоархӀаме да, дарбанчен наьха кхерамзлен хьал лорадара тӀехьа. МоллагӀа хатар нийсделча, сиха оарцагӀъухача тоабан болхлой кийча, шоай гӀулакх дика шаьрдаь, довзаш хилар керттерчарех да», - белгалдир Шолжа шахьарерча ЦРБ.
