Мехкарча ЛЭПах оалхазараш лорадеш бола ӏ00 гӏирс оттабир
«Къилбаседа Кавказ Россеташа» - «Ингушэнерго» яхача филиала болхлоша 2025-ча шера 110 Кв йолча тока саьргех оалхазараш лорадеш дола гӏирсаш оттадир.
Проекта керттера декхар - тока саьргашта оалхазараша зе дергдоацаш, иштта уж лорадергдолаш, тока хьал меттадоаладеш болх чакхбаккхар.
«Пхьилекъонгий-Юрт- Къоастой» яхача 110 кв йолча тока оагӏонна 36 гӏирс оттабир. Цо ток лоаттаю Магӏалбикерча 57 эзар совгӏа адам дахача моттига, Магӏалбика кхален 12 юртарча бахархошта.
«Пхьилекъонгий-Юрт- Ищерски» яхача тока саьргех оахазараш лорадеш оттабир 64 гӏирс. 30 км гаргга йола из тока оагӏув Шолжа кхален моттигашка, гаьнна ядача юрташта ток лоаттаеш я.
Цу юкъе ба Шолжа-Шахьарера, Гӏажарий-Юртара, Чамалхара, Алхастера, Берда-Юртара, Арштера, Галашкара, Мужечара, Даьттагӏара, Оалкамара 53 эзар совгӏа бахархой. ӏан ха хьатӏаотташ, тока саьргий хьал меттадоаладеш, чакхбоаккхаш лоархӏаме болх ба из.
