Рамадан чакхбалара хьалхара къахьегама кӏира дӏадоладир вайцига
10.03.2026 10:58
Къахьегама керда кӏир доладелар, хӏаьта вай массане дегашта боча, хьамсара бола Рамадан бутт чакхбаларгахьа лестаб.
«Вайга хьежаш эггара хозагӏа, дезагӏа дола цӏай да. Тӏадоагӏача кӏира Марха дастар дездеш хургда вай. Беркате хилда вайна ер къахьегама кӏир, доккхача цӏайга кийчо яр а вай дегашта тоам беш, салоӏам беш хилда. Иразе, беркате хилда массане денош, безарашца хоза ха дӏаяхьа аьттув хилба хӏаране!» - язду респбликерча министрий кабинета телеграм-оагӏон тӏа.
Мархий деррига денош, кхыйолча хана санна, хьинаре къахьегаш дӏахьош да. Мехка къахьегама шоатташ, ярмаркаш, кхыдола гӏулакхаш кхоачашду наха. Безача мархий бетта дисача деношка Далла гаргадахара тӏехьа геттара чӏоагӏа къахьегаш, дикаш доаржадеш, маьл ӏоабеш хила деза вай.
