Керда шу хьатӏадоагӏаш, кхерамзлен оагӏонца дувзаденнарех дийцар мехка
Кердача шерца дувзаденна цӏай гаргагӏортара тӏатайжа, ерригача дешара моттигашта кхерамзлен хьалаца дувзаденнараш хьалхадоахаш болх дӏабихьар дешареи ӏилмани гӏулакхех йолча Министерствос. Берий бешамашка утренникаш дӏахьош, ишколашка, кхыйолча моттигашка концерташка лораде дезараш белгалдир министерствос. Нах гулбенна дӏахьоча кхетаченашкара хьал цхьаккха сага зе, зулам хургдоаццача тайпара хилийта гӏерташ дӏахьош болх ба из.
«Хӏара дешара моттиге цӏерцара кхерамзлен хьал, иштта кхыдараш лорадеш, цу берригача балха бехктокхаме волаш, саг хила веза оттаваь. Моттигаш, корсам кийчъеш хьалъохкаш йола хӏамаш шоай сертификат долаш, лертӏа хьаяь хила еза. Иштта йоаца хӏамаш лелае йиш яц кхетаченашка. Хьехархой, тӏахьожам беш бола болхлой фийла, геттара чӏоагӏа хьожаш хила безаш гӏулакх да из.
Цӏаьхха, моллагӏа хатар ийккха хӏама хуле, нах арабаргбола моттигаш кийча хила еза. Цӏерцара хатар хинна болх хуле, нах корзагӏбаьнна, кегабенна кхестаргбоацаш; деррига а боаггӏача боараме тоадаь латта деза», - дийцар «Сердалога» дешареи ӏилмани гӏулакхех йолча Министерстве. Берашта лаьрхӏа цӏай дӏахьочар лораде дезаш, лоархӏаме хӏамаш да уж.
Деррига а хила деззача тайпара кийча хуле, кхетаченаш дӏахьочарна шоашта паргӏатагӏа, аттагӏа хургда, моллагӏа хӏама нийсденна болх хуле а.
