Гӏалгӏай мехка керда МВД кулгалхо хьожавир
Гойтама конференцбувзамага гӏолла, Россе чурча гӏулакхий министра декхараш кхоачашдеш волча Зубов Игора вовзийтар республике гӏолла йолча МВД керда кулгалхо- полице инарал-майор Котов Владимир.
Котов дукхача балхаш тӏа хинна а ше дикача оагӏорахьа хьагойта а ва, цу юкъе Воронеже гӏолла йолча МВД урхаллене, болхлой хаттарашка хьожаш волчун дарже. МВД цо болх бу 25 шу да
Гӏалгӏайчен Кулгалхочо Келаматанаькъан Махьмуд-ӏаьлас ше тешаш ва аьлар кердача министра карагӏдаргхилар бокъонаш лораяра органашца, ӏаьдалца, юкъарлонца пайда эцаш бола бувзам лелабе.
«Вай юкъара декхар да кхерамзле, цхьоагӏо, нах полице болхлоех тешаш хилар», - аьлар республикан кулгалхочо ший вахара бувзамашка.
Мехкадас иштта ловца баьккхар Котовна, цун кердача бехктокхамеча балхаца.
