Кераста наьха цӀай дездеча деношка, мехкара кхерамзлен хьал лорадеш хилар Ӏаьдал
14.04.2025 15:15
Кераста наьха мархаш дастале хьалха хулаш дола Хьундака кӀиранди оала цӀай дездеча деношка, мехкара кхерамзлен хьал лорадеш хилар Росгварде болхлой. Из хоам «Сердалога» бир цу моттигера.
«Мархаш - кераста наха массаза дездеш, цхьацца хӀамаех юхаувзалуш цӀай да. Росгварде болхлой арабаьлар республикера моттигаш лорае, массанахьа тӀахьожам бе», - йоах хоамо.
Шолжа-Шахьарерча Ново-Синайски Покровски киназа юхерча доазан тӀа шоай болх дӀахьош лаьттар Ӏаьдала болхлой. Иштта цӀай дӀадахьа нах гуллуча моттигашкара хьал тохкаш чакхбаьлар уж.
Цхьаккха кхоачамбоацараш юкъе ца доллаш, дӀадахар из гӀулакх.
