ЛЭП лораеча даькъ тӀа, карьера е гӏертилга гучадаьлар
«Къилбаседа Кавказа Россеташ» - «Ингушэнерго» филиала говзанчашта гучадаьлар, «Наьсаре–Тӏой-Юрта» (ЛЭП) тока даькъ тӀа кхоачамбоацараш хилар. Цу моттига гаьна йоацаш, 35 кВ класса ток йолча карьера хьаеш латт.
«Наьсаре-Тӏой-Юрт» кВ 35 тока даькъ тӀа Ӏалашо лоаттаю Тӏой-Юрта бахача 5,5 эзар сага. Цул совгӀа, ЛЭП дика болх беш хиларах тийша я пхиъ вахаре лоархӀаме моттиг. Цу даькъ тӀа ца доагӀаш дӀахьош долча балхаша, бокъонаш ца лелаеш хилар бахьан долаш, наха доккха зе дала тарлу, из карьера ераш боабе а, иштта тока даькъ тӀа цӀи яла а.
«Карьера даькъ тӀа йоккха гӀишлон техника я. Нагахьа санна ца йоагӀача моттиге, уж цаховш а нийслойя, уж боабергба е заӏапхой хьабергба», - аьлар «Ингушэнерго» филиала кулгалхочо Котаганаькъан Кимрана.
Энергокомпане говзанчаша хьалхадоаккх, из чӀоагӀа кхераме гӏулакх хилар. ДогӀа делхаш е ара тӀаьда йолаш цу даькъ тӀа болх бар кхераме да; цӀаьхха, ди къайкъа моттиг хуле, из къаьстта тока даькъ тӀа тӀаозаш хул, цо сага унахцӏенонна кхы де дарба доаца зе де тарлу.
2009 шера саькура бетта 24-ча дийнахьа арабаьннача РФ Паччахьалкхен Соцам хиларах тарра, могаеш йола юкъ я 2 метр - 1 кВ ЛЭП йолча; 10 метр - 1-20 кВ ЛЭП йолча; 15 метр - 35 кВ ЛЭП йолча; 20 метр - 110 кВ ЛЭП йолча; 100 метр хи тӏагӀолла йодача тока моттиге.
Цу белгалъяхача моттигаш тӀа гӀишлош хьалъе бокъо луц, е уж моттигаш дӀакъовла, цига нувхаш Ӏокховса, материалаш Ӏооттае, спортивни майдаш е, дукха нах гуллуш йола кхетаченаш дӀаяхьа. МоллагӀа дола гӀулакх тока компанеца дувца деза.
