ГӀалгӀай мехка дийцар гуржашца бувзам лелабарах дола дош
Балхаца дувзаденна ГӀалгӀайче вера Россе мах бара-промышленни палата чуйоагӀача Россеи Гуржий мехкеи гӀулакхий совета кулгалхо Балашов Юрий. Мехка кулгалхочунца цхьана цар дийцар, мехкашта юкъерча бувзамах. Къаьстта теркам тӀабахийтар ГуржегӀенна.
Керда машина наькъаш хьаделлар, туризма даькъ тӀа бувзам лелабар, культуран даькъ тӀа кагирхоша шоайла гӀулакх леладар яха хаттараш дар цига дукхагӀа теркалдеш хиннараш.
Балашовс хоам бир, Пятигорске кастлуш кагирхой кхетаче дӀахьош хиларах, цига дакъа лоацаш хургба ГуржегӀара викалаш. Махьмуд-Ӏаьлас аьлар ГӀалгӀайчен кагирхой а цига гӀоргба.
«Цу балха говзал вай йолаш я, бӀаьсти «Сириус» яха Дерригача дунен кагирхой фестиваль дӀахьош, вай кагий нах, мехкарий цига дика дакъа лоацаш хилар. Цу хана ГӀалгӀай Республика гуржий хьаллоацаш яр », - аьлар мехка Кулгалхочо.
Цул совгӀа, цо белгалдир гӀалгӀашта, гуржашта юкъера культурни бувзам дика дегӀабоагӀаш хилар. Масала, гуржий артисташ дакъа лоацаш хилар, гӀалгӀай паччахьалкхен 100 шу дизара цӀай дӀахьош.
ДӀахойодача хана а, гуржашца бувзам лелабара дош лоархӀаме хургда. Цо белгалдир, шин къаман юкъера дипломатически оагӀонаш лораяр эшаш хилар.
