Бейнача МВД болхлой дезалашта, кхачанца новкъостал дир
ГӏалгӀай Республике гӀолла болча бейнача МВД болхлой дезалашта кхачан даарашца новкъостал дир Бӏарахой Бек-хана, яхаш, дийцар «Сердало» газетага ГӀР бокъонаш лораяра боахаме.
«Беза Рамадан бутт болаш, ГӏалгӀай Республике гӀолла йолча МВД болхлоша кхачан даараш, иштта бежана дулх дийкъар шоай балха декхар кхоачашдеш бейнача чурча гӀулакхий болхлой 368 дезала», - аьлар хоамо.
Из болх вӀашагӀбеллар вар РФ Паччахьалкхен Думан депутат Бӏарахой Бек-хан.
Республикан чурча гӀулакхий Министерствон болхлоша даим дагалоаттабу бейна шоай новкъостий, цар дезалашта терко лоаттаю. Цар баркал аьлар закон лорадеш, машар гаргабоалабеш бейнача бокъонаш лораерий дезалашта иштта терко ярах.
Белгалду, Рамадан бетта, ГӏалгӀайче геттара чӀоагӀа хоалу нах шоайла новкъостал деш, мехкахой хьаллоацаш, дег чура царга хьожаш хилар. Цо мехка бахархой барт чӀоагӀбу.
