Яндар яха хий тоадар йиллача ханал хьалхадаьннад
Яндар-хий цӏендеш, чура гаьнаш, кхыйола хӏамаш арайоахаш къахьегаш боахк тахан цу оагӏонцарча министерствон болхлой. Кхаь шера лаьрхӏа йола из проект 2025-ча шера дӏайолаяьй, 2027-ча шера чакхбала безаш ба из беррига болх. Хин экологически оагӏонцара хьал меттадоаладе гӏерташ кхест, мехка хиш айденна болх хуле, гонахьарча моттигашта, цӏеношта зе дергдоацаш.
«Сердалога» ӏалама гӏулакхех йолча министерствера бенача хоамах, укх шера 1,9 километрага кхоачача доазон тӏа болх дӏабахьа лерхӏ мехка.
Тӏатеӏӏа къахьегарах, шера бе безаш хинна болх таханарча дийнахьа чакхбаьккха баьннаб цига. Бакъда, болх, ца соцабеш, дӏахохьош ба, Яндаре гӏолла чакхдаьнна додаш дола Яндар-хий цӏендеш, даггара болх беш йоахк машинаш. Кхаь шера лаьрхӏа йолча проектага гӏолла меттайоалае лерхӏ 4, 766 км. кхоача моттиг.
