Наькъашкарча хатарех бераш лорадеш бола болх дӀакхухь мехка
12.11.2024 10:53
Наькъашка нийслуш долча хатарех бераш лорадеш болх дӀакхухь МВД болхлоша. Наькъа мишта дехьавала веза, эггара чӀоагӀагӀа фийла хила везараш малагӀа моттигаш я довзийт кхувш латтарашта. «Сердало» газетага из хоам бир республикерча ГИБДД.
Цигарча болхлочо берашка дӀахьекхар наькъашка мишта лела деза, малагӀа оагӀув лорабе беза; цӀаьхха, машин гучаийккхача фу де деза. Иштта царна хьалхадаьккхар, ара баьдъелча, машинаца воагӀачо зувргдолаш, барзкъех цхьа къегаш хӀама яллар мел лоархӀаме да. Из деррига дӀаяздаь каьхаташ дӀадийкъар берашта.
