ГӏалгӀай мехка салоӀаш хургда Курски, Запорожски областашкара бераш
Кастлуш, ГӏалгӀайче тӀаэцаргда 100 бер Курски областера, Запорожски областа Токмакски кхалера, «Аьрзи» яхача могашал тоаяра йолча лагере. Цох хоам бир ГӏалгӀай Республикан Кулгалхочун, Паччахьалкхен зарбан болх лелабераша.
«Курски областера бераш вайцига хьалхара да. Хьалха из хаттар дийцар губернаторца Александр Хинштейнаца», - аьлар республикан кулгалхочо Келаматанаькъан Махьмуд-Ӏаьлас.
Бакъда Токмака кхалера бераш вайцига хӀанз кхозлагӀа доагӀа. Дӏадахача шера уж хилар «Аьрзи» лагере салоӀаш, хӀаьта 2023 шера цар дакъа лаьцар «Мужече» яхача комплексе шоай лоӀаме кӀалкхетаргах латара тренировкаш дӀахьош.
Къонача хьаьший таро я кхаь кӀира салаӀа, цу юкъе экскурсеш а я, цар шоай аргӀагӀа таро лургья берашта ГӏалгӀайчен истори, культура, Ӏадаташ довза. Иштта салаӀара йола таронаш вӀашагӀъехкай царна лаьрхӀа.
