Фашизмо доаржадаьча зуламех бола гойтам хьабийллар вай мехка
Фашизма зулама юкъе нийсбенна нах дагалоацача Къамашта юкъерча Денна хетабаь суртех, каьхатех латта гойтам хьабийллар; мехках баьхача наьха Мемориальни комплексе. Укх бетта 20-ча денга кхаччалца латтаргба из.
«ШоллагӀча дунен тӀем тӀа лелаяь къизал, доккхий зуламаш гойташ, сурташ дар гойтаме. Немцаша къамаш къестадеш леладаь зуламаш, цар хьабена бӀеха никъ, фашистски Германе лакхерча хьакимаша доаржадеш хиннар гучадаьккхар Нюрнбергски судо. Токийски, Хабаровски судаша йохайир Японера милитаризм, японски тӀема лораша бактериологически герз хьадеш бола болх. ШоллагӀа дунен тӀом латтача хана; немцаша, японцаша леладаьча, дийца ца валлал долча къизача гӀулакхех, дувцаш дукха каьхаташ, сурташ оттадаьд гойтаме», - дийцар «Сердало» газетага цу моттигера.
Дунен шоллагӀа тӀом латтача хана хиннараш, довзаргда гойтаме хьабаьхкарашта, цу ханара денош мишта хиннад гургда. Историкашта, Ӏилманхошта санна; дунен истори довза мел ловрашта лоархӀаме гойтам ба хьабийллар.
