Дунен халкъашта юкъерча лоамий денна хетабаь гойтам хилар вай мехка
12.12.2024 10:05
Къаман библиотеке дӀахьош болча «ГӀалгӀайче - лоамий лай бовхьамий мохк» яхача гойтаме дакъа лаца бех бахархой. Из хоам «Сердалога» бир мехкарча Паччахьалкхен зарбан болх лелабераша.
Къамашта юкъерча лоамий денна хетабаьча гойтаме хьокха оттадаьд тайп-тайпара книжкаш, журналаш. Республикера лоаман моттигаш, цигара вахар дувцаш да уж.
Иштта бахархошта гургда вай тамашийна хоза лоаман моттигаш гойташ дола сурташ, хӀаьта байташ езарашта цига йовзаргья Хамхой Ахьмада, Хьоашаланаькъан Ӏаьлас, Гаьгенаькъан Гирихана, Вешкаранаькъан Мухьмада язъяь байташ. Ер шу чакхдаллалца латтаргба гойтам.
