«2022-ча шера вайцигарча театрах, кинох, ийнача индустрех йолча моттиго дакъа лаьца, котало яьккхар йоккхача яхьашка. Эшаш мел долча хӀаманца кхоачам баь я хьайийлла керда ишкол. 12 шергара 18 шерга кхаччалца бола кагирхой ба цига дешаш хургбараш», - йоах тхога бенача хоамо. Дешара моттиг хьеллача дакъа лоацаш бар паччахьалкхен кулгалхочун гӀонча йола Боканаькъан Аьсет, культуран гӀулакхах йолча министерствон хьалха латта Лаьнанаькъан Залина, иштта дукха кхоллама болхлой, журналисташ, кагирхой. «Шоай начӀал дикка тоаде, дӀахойодача хана из гӀулакх дегӀадоаладаь, цох пайда эца аьттув хургба кердача ишколе дешачар. Тахан хьадаьнна кердадараш юкъекхувлаш, дӀахьош боккха болх ба из. 3D анимацеш, видеоэффекташ йолаш керда хоза болх ба бувцар. Тахан яьннача кердача технологеша, геттара чӀоагӀа тоадеш, хувц кинон юкъера, театра сцена тӀара хӀамаш», — аьлар Лаьнанаькъан Залинас.