ГӀалгӀай къаман
юкъара газет

Кердадараш

«Догарий тоадалар» дувцаш бола гойтам хьабеллаш ба вайцига

ГӀалгӀайчен Малсаганаькъан Т. Х. цӀерагӀча паччахьалкхен мехктохкама музее, «Догарий тоадалар» яха гойтам хьабеллаш ба.

Цига го йиш хургья, уж наха юкъе леладе даьлча денз, таханарча денга кхаччалца дола догарий истори. Гойтаме тайп-тайпара догараш, цар кепаш а уж хьадаь аьшк а го йиш хургья, цига дувцаргда, ха дӀа мел йода уж мишта хувцалуш хиннад, адам дегӀадарца мишта дегӀадоагӀаш хиннад диг леладара гӀулакх.

«Гойтаме гуш хургдолча хӀара догара ше-ший ха а хургья, цига дакъа лоацарий таро хургья, бӀаьшерий ханаш хувцалуш хиларга хьежжа, догара кеп а мишта хувцалуш хиннай довза. «Догарий тоадалар» яхача гойтамо музея дукхача хьаьший терко тӀаозаргья. Цул совгӀа, цар таро хургья гӀалгӀай къаман культура, истори дикагӀа довза.

Оаха бех цу гойтамга хьажа, цар истори довза вай мехкахой, царна гойтаргда, сага вахар дӀа мел додача ханашка, мишта хувцалуш хиннад диг, малагӀа дакъа цо дӀалоацаш хиннад сага вахаре», - аьлар «Сердало» газетага мехктохкама музея кулгалхочо Саганаькъан Мухьмада. Эггара хозагӀа лоархӀаш дараш да тӀема догараш.

Уж селлара зӀамига а хоза а хьадаь хиларо цецвоакх моллагӀа вола саг. Цига дакъа лоацарашта а, из гургда шоашта. ГӀалгӀайчен мехктохкама музее тайп-тайпарча ханашка леладаьча догара кеп го йиш хургья, царех хӀарадар ший тайпара уйла тӀайохийташ, тамашийна хьадаь да.

Музея экскурси еш болча болхлоша царех хӀаранех, цун исторех, цо гӀалгӀай къаман культуре малагӀа гӀулакх леладеш хиннад дувцаргда. Хьаьшашта дувцаргда гӀалгӀай вахаре леладеш хиннача цӀагӀарча, арарча гӀулакхех лаьца, дӀаяхача ханашка къаман вахаре лоархӀамеча ханашка хиннараш а кердадоахаргда.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде