Паччахьалкхен совгӀаташ дӏаделар, бейнача бӀухой дезалашка
ГӏалгӀайчен Кулгалхочо Келаматанаькъан Махьмуд-Ӏаьлас паччахьалкхен совгӀаташ дӏаделар, лаьрххӀа йола операци дӀахьош тӀема декхар кхоачашдеш, шоай синош дӏаденнача бӀухой гаргарча нахага.
РФ Президента Амарах, денал, майрал гойтарах денна турпалхой совгӀаташ дар уж. Денал гойтарах орден елар веннача ткъаь итт СВО доакъашхочунна, царна юкъе ва Евкуранаькъан Мухьмад, Йовлой Ӏумар, Мержой Башир, Озанаькъан Ахьмад, Овшанаькъан Заьлмаха, Эсамарзанаькъан Руслан, лейтенант Эсанаькъан Самур, ефрейтор Маларой Микаил, сержант Устилганаькъан Мухьмад, Оздой Хьусен, Галай Гирихан.
Цул совгӏа «Денал гойтарах» яха майдилг дӏаелар мугӀарерча бӏухой Дудурганаькъан Ислама, Дышниев Аслана дезалашка. Иштта Налганаькъан Хьусена венначул тӀехьага луш яр Жукова майдилг, хӀаьта Бузуртанаькъан Хас-Мухьмада - Суворова майдилг.
Республикан Кулгалхочо белгалдир, цу совгӀатех хӀарадар – белгалвалар хинна Ӏац, из да Даьхен хьалхашкара декхар кхоачашдеш бейнача бӀухой денал хилар.
«Цар дӀаделар эггара дезагӀдар - шоай вахар - машар бахьан, мехка кхерамзле хилийтара. Цар цӀераш даим хургья ГӏалгӀайчен, Россе истореца», - аьлар Мехкадас.
Республикан Кулгалхочо иштта тешам белар бейнача бӀухой дезалашта; царна даим терко лоаттаергья, аьнна. Цар хьашташ хьалхарча аргӀагӏа кхоачашдеш хургда, цар сий дергда даим.
«Уж боккъонца бола турпалхой ба, сий долаш кхоачашдаьд цар шоай декхар мехка а халкъа а хьалхашка», - аьлар ГӏалгӀайчен Кулгалхочо.
