53 километрага кхоачаш, хин турбаш хувца лерхӏ мехка
Коммунальни оагӏонцара балхаш дӏадахьа кийчо еш ба мехка. «Сердалога» из хоам бир Мехкадаь зарбан болх лелабераша.
«2026-ча шера 53 километрага кхоачаш йола хин оагӏув меттайоалаеш болх дӏахьоргба республике, Дала аьннадале. Бахархошта боаггӏача боараме цӏена хий хургдолаш, кхоачашъе еза проект я из», - аьлар вай мехкадас Келаматанаькъан Махьмуд-ӏаьлас.
Дӏадахача шера массехк юрта из болх чакхбоаккхаш хилар вай мехка. Шолжа кхален Берда-Юрта 3,4 км кхоачаш хин турбаш хийцай, Илдарха-Гӏалий тӏа- 22 км. Хоалуш меттаденад цу моттигашкара хин хьал. Дӏахо из болх дӏабахьа лерхӏ Юкъерча Ачалкхе, Доала-Коа, Инаркъе, Южне, Махьмад-Хи тӏа, Аьккхий-Юрта, Заьзгакъонгий-Юрта. 53 км чулоацаш, болх ба чакхбаккха безар.
Белгалде деза, Эса тӏа хий хьалуш йола моттиг хьалъеш болх дӏаболабаьлга. Вай мехка чӏоагӏа лоархӏаме проект я из. Беррига болх чакхбаьлча, моттигера хин хьал дикка меттадоаладеш гӏулакх хургда цох, Даьла къахетамца.
