Керттерча наькъ тӀа лостам лоаттабеш хургья лаьрххӀа йола 30 техника. Цунна юкъе я тайп-тайпара балхаш деш йола машинаш, автогрейдераш, эксковатораш, мухь тӀабувтта машинаш, иштта наькъаш гӀорадергдоаца хӀамаш. Еррига машинаш эшачунца Ӏалашо яь я. Цул совгӀа, ден-бус ха деш хургба бехктокхаме бола болхлой, трактористаш, этта хьал сиха юстардаккха ховраш.

«Ӏан замалахьа, федеральни наькъашка йоагӀаш йола кийчо хиларах тийша я дӀа-юха лелача наьха кхерамзле а. Цудухьа, чоалхане хьал этта моттиг нийслойя, из сиха юстардаккхар лоархӀаме да», - аьлар ГӀалгӀайчен Кулгалхочо Келаматанаькъан Махьмуд-Ӏаьлас.

Мехка Кулгалхочо тӀахьех массабола нах, наькъа бокъонаш лораяра, хаоттам хувцалуш хилара терко яра.