ГӀалгӀайче дӀайогӀаргья 2000 га
Ардара бетта ГӀалгӀайчено юха а дакъа лоацаргда «Лораергья хьу» яхача хьу меттаоттаяра Ерригроссийски болама юкъе. 2000 га дӀайогӀаргья Шолжа, Наьсарен кхаленашка. ГӀалгӀайчен кулгалхочо Келаматанаькъан Махьмуд-Ӏаьлас тӀадиллача декхарах, царех цхьа дакъа гаьнаш дӀайогӀаргья ГӀажарий-Юртарча, Эккажкъонгий-Юртарча, Сурхо тӀарча дешара моттигашка.
Боламе дакъа лоацаш хургба мехка кулгалхо, Ӏалама Министерстваон викалаш, эковолонтёраш, юкъарлон организацеш, ишколай дешархой.
ДӀайогӀа лаьрхӀа гаьнаш я эстий, къоахк.
«Республикан дукха нах арабаргба цига дакъа лаца, гонахьара Ӏалам лорадара хьал тоаде безам бараш. ЛоархӀаме да кагирхой цига дакъа лоацаш хилар - цу тайпарча кхетачено кагирхой гонахьара Ӏалам лорадара бехктокхам лакхбу. Беррига вай бахархой тӀахьех цига дакъа лацара, мехкара хьал баьццара дерзадара балхаш дӀахьоча шоашкара дакъа юкъедахьара. «Экологи» яхача къаман проекто вайна таро лу лоархӀаме декхараш кхоачашде», - аьлар мехка Кулгалхочо, ше цу болама лерхӀамах дувцаш.
