Нувхаш чакхйоахаш йола завод хьаелларгья вай мехка
20.09.2024 10:00
Йоккхача Ачалкхерча 50 га долча доазон тӀа, нувхаш чакхйоаха завод хьаелла лерхӀ. Из хоам «Сердалога» бир Ӏалама гӀулакхех йолча министерствос.
РФ экологен, Ӏалама гӀулакхех йолча Министерствон кулгалхочун гӀонча волча Тетенькин Дмитре кулгал деш дӀайихьача кхетаче дийцар цох лаьца.
ВКС оагӀонца цу юкъе дакъа лоацаш хилар вице-премьер йола Саганаькъан Индира.
Нувхаш къоастаеш, чакхйоахаш болх дӀахьош хургья хьаелла лерхӀаш йола моттиг.
Карарча хана цу гӀулакха эшаш дола каьхаташ кийчдеш ба мехка, цул тӀехьагӀа, федеральни оагӀонгара ахча хьатӀадаларга хьежаргба. Деррига ма хетта дӀадодаш хуле, 2025-2026-ча шерашка хьалъе йолае лерхӀ из моттиг. Республикера экологе гӀулакхех вола оператор ва из болх дӀахьоргбар.
