ГӀалгӀайче гӀолла болхлоша кӀезига алапеш ийдар белгалдоал 58,6% хиларца, Нохчашкахьа- 56,2%, Селашкахьа - 51,4%, Къарший-Черсашкахьа - 49,1%. Къилбаседа-ХӀирийче - 48,1%, ГӀаьбартой-Балкхарой - 46,4%, иштта Ивановски областе - 41,6%. Иштта ба РИА Хоамаша баь тохкам.

«Лакха алапи эцараш ГӀалгӀай мехка гӀолла кӀезига ба - 2,4%. Цу списка тӀа лохехьа я: Нохчий Республика (2,6%), ГӀалмакхий Республика (2,7%), Селий Республика (2,7%), ГӀаьбартой-Балкхарой (3,1%)»,-йоах хоамо.

Цу юкъе белгалду, тӀехьарча хана вай мехкарча экономиканна Ӏаткъаш йола моттигаш дукха хиннай. Моттигашка болхлой, говзанчаш эшаш хиннаб, из бахьан долаш алапеш хьалайделар, къахьега моттигаш а дукхагӀа хилар.

РФ моттигашка алапеш тайп-тайпарча боараме хилар а ший бахьан долаш да, лаьрххӀача экономически хьалашка диллача.

Белгалду, тӀехьарча хана ГӀалгӀай мехка дегӀадоагӀаш латт шоай доалахьара хӀама хьадоладеш хилар, АПК дика болх беш хилар, тайп-тайпарча балхаш тӀа говзал лакха йола болхлой Ӏомабеш хилар. Цу дерригне а ахчанцара хьал аттача даккха деза.

Хьалха хоам баьбар, ГӀалгӀайче Федеральни центра дӀадала дезаш дола, мехка бюджетера кредитах тӀехьадаьнна хинна декхар 378,4 млн сома лохденнад, аьнна, юхедиса декхар 1 млрд 430,1 млн сом да.