ГӏалгӀай мехка кхерамзле лакхъяра болх дӀахьоргба
ГӏалгӀайчен кулгалхочо Келаматанаькъан Махьмуд-Ӏаьлас, моттигерча хьем боаццача штаба кхетаче дӀайихьар, из хетаяь яр 2022 шера ардара бетта 19-ча дийнахьа арадьаннача РФ Президента Амар тӀа белгалъяь моттигаш кхоачашъяра. Кхетачен доакъашхоша дийцар кхерамзлен хаттараш, иштта паччахьалкхен тайп-тайпарча викалий а, бокъонаш лораерий а болх тоабарах.
Терко тӀаяхийтар юкъарлон цхьоагӀо хилийтара, лоархӀаме моттигаш лораяра, иштта гонахьарча Ӏалама а наха а кхераме хила тарлуш йола гӀишлош лораяра.
Кхетаче чакхйоалаш лаьрхӀар, республике тӀехьара тӀа кхерамзленца Ӏалашо яра болх чӀоагӀбе. Иштта, МВД, Росгварде, кхыча бехктокхамеча болхлоша лоархӀаме моттигаш лораяр чӀоагӀде деза, хӀаьта Паччахьалкхенна мехка Кулгалхочо тӀадиллар терроризма духьалара кхетаченаш яр.
«Вай хьалхара декхар да наьха кхерамзлен Ӏалашо яр, иштта вахаре ца хилча даргдоаца хьалаш наха лоаттадеш йола моттигаш лораяр. Юхе мел диса боахамаш сиха а бехктокхаме а шоай болх дӀабахьа безаш да», - аьлар Келаматанаькъан Махьмуд-Ӏаьлас.
