ГӀалгӀай мехка, цӀай долча деношка, маьхаш лакх ца далийта гӀерт
27.12.2024 09:58
ЦӀай хьатӀадоагӀаш, кхачана продукташта республике маьхаш тӀатохаргдоацаш, иштта транспорт ший ханнахьа лелаш хургйолаш болх дӀахьош ба. Уж хаттараш, дукха ха йоацаш хиннача республикан Паччахьалкхен кхетаче, дийцар.
ГӀалгӀай Республикан Минпроме кхачан а иштта кхыдолча а товарашта маьхаш тӀатохий хьожаш болх дӀахьу. Паччахьалкхен Председатела Сластенин Владимира белгалдир, из болх чӀоагӀбе безаш хилар. Цо иштта аьлар, нагахьа санна маьхаш тӀатеха хуле, говзанчаша цу юкъе нийслуш дола кхоачамбоацараш белгалде деза.
Цул совгӀа, юкъарча моттигашкара болх цӀай долча деношка ца хаддаш дӀахьоргба.
