ГӏалгӀай мехка бахархошта маьхий тохаш да, дегӏа сахьале чӀоагӀъеш
ГӏалгӀайче дӀахьош ба, берий а боккхийчар а дегӏа сахьале чӀоагӀъяра аргӀанара болх. Ер шу дӀадоладелча денз 290 эзар совгӀа саг чакхваьннав республикан бахархоех маьхий теха.
Керттера терко лоаттаю карарча шера, пунчи оалача лазара духьала маьхий тохаш. Таханарча денна 143 эзар цу лазара духьалара маьхий теха ва, царех 47 эзар - бераш. Карарча шера пунчи оалача лазара духьала маьхий тохара хьал 25% дукхагӀа хилийта лаьрхӀад, дӀадахача шера хинначул.
ЛоархӀаме да, вакцинаци яра йола кампани ший ханнахьа дӀахьош хилар. Мехка Ӏаьдал лаьрхӀа да, 60% нах цу юкъебоалабе, лазарах лорабеш.
Республикан Кулгалхочо Келаматанаькъан Махьмуд-Ӏаьлас белгалдир дегӏа сахьале чӀоагӀъяр мел лоархӀаме да, из лазарах лоравалара эггара чӀоагӀагӀа эшар да.
«Аз тӀахьех ГӏалгӀайчен бахархой цу дешаца бехктокхаме хилара, шоай могашал цар лораяра, цу кампанешка дика дакъа лоацаш хилара. Цхьана къахьегарца мара, вайна могаргдац лазара кхерам юхатоха, воай дезал лорабе», - аьлар мехка Кулгалхочо.
