Гӏалгӏай мехка тӏема вузашка деша отта ловрашкара дехараш дӏаийду
Республикан тӏема комиссариаташка каьхаташ дӏаийдеш ба, мехка лакхерча тӏема дешара моттиге отта безам барашкара, яхаш, дийцар «Сердало» газетага ГӏР Паччахьалкхен зарбан болх лелабераша.
«Дийша баьнначул тӏехьагӏа, выпускникашта «лейтенант» яха тӏема цӏи, иштта наькх тӏа боалла седкъа, лакхара дешар дийша хиларах долда паччахьалкхен диплом лу», - аьлар хоамо.
Белгалду, дукхача хана денз, Гӏалгӏайче лоархӏаш а сий деш а хиннад тӏема гӏулакх. Тайп-тайпарча Даьхен исторе ханашка, Гӏалгӏайчен эпсараш дика масал гойташ, шоай мехка хьашташ кхоачашдеш, хьабаьхкаб. Царех дуккхачарна лакха цӏераш еннай.
Республикан бахархошта хьалхадаьккхар, тӏема вузашка отта йиш йолаш ба юкъера е юкъера профессиональни дешар дийшараш, тӏема амал деш цахиннараш, эскаре тӏахьехараш е амал дӏадихьараш - 24 шерга кхаччалца ха яьннараш, иштта тӏема контрактах бола 27 шерга кхаччалца ха яьннараш.
Ший тӏема дешара никъ дӏаболабе йиш йолаш ва хӏара къона саг. Эггара хьалха цу гӏулакха ше вахаш волча моттигерча Тӏема комиссариатага гӏолла каьхаташ дӏадала йиш йолаш ва деша оттар.
