Гӏалгӏай мехка дӏахо дӏахьош ба нувхашцара хьал нийса леладара болх
Гӏалгӏайче дӏахьош ба регионера нувхий хьал тоадара болх. Цох дийцар аргӏанара ӏалама Министерствон балха кхетаче дӏахьош, яхаш, хоам бу «Сердало» газетага ӏалам лорадераша.
«Балха чаккхе еш, дӏахьош хиннача кхетаче дакъа лоацаш хилар Гӏалгӏайчен Паччахьалкхен Председатела гӏонча Кокурхой Адам. Экологи лораяра боахама кулгалхочо Мизенаькъан Микаила дийцар 2025 шера баьча балха толамех», - аьлар хоамо.
Белгалду, «Экологически дика хьал» яхача къаман, иштта «Керттера лостам» яхача федеральни проекташ кхоачашъяра чудоагӏаш; Илдарха-Гӏалан, Наьсарен кхалажаш Паччахьалкхен реестра юкъе лоархӏаш я, гонахьара ӏалам толхадеш йола моттигаш санна. 2030 шерга кхачалехь, дӏаяккха лаьрхӏача 50 моттига юкъе а я уж. Карарча шера говзанчаш дӏаболалургба кийчъе уж дӏаяхара йола каьхатий кӏийле.
Лаьрххӏа дӏахьош ба нувхашцара хьал тоадара болх. Цунна чудоагӏаш, кхоачам болаш тӏехьара тӏа контейнераш ийцай, цул совгӏа коммунальни совъяьнна чӏоагӏа нувхаш лелаяра, уж чакхъяхара комплекс я Йоккхача Ачалкхе хьалъеш.
Экологически таронаш тоаяра хаттараш республикан ӏаьдала теркама юкъе да.
