УнахцӀенон оагӀонцарча моттигашка, таьрахьашца дувзаденнараш юкъекхувл
Таханара технологеш, хьакхелла хьаькъал юкъедоаладеш, тоабеш латт унахцӀенон оагӀонцара болх. Мехкадаь, Паччахьалкхен зарбан болх лелабераша белгалдечох, таьрахьашца дувзаденнараш юкъедоаладеш латт унахцӀенон оагӀонцарча балха юкъе.
Дарбанчешка доаржадеш латтача кердадарашка гӀолла сага лазар дикагӀа гучадаккха аьттув ба. Ишттача цхьан оагӀонга гӀолла, снимкашта анализаш йоахаш йоаеш йола ха 40%-га кхоачаш кӀезигагӀа я, хӀаьта лазар гучадаккхара болх 90%-га кхоачаш тоабеннаб. Кхыдолча гӀирсашка гӀолла унахочун долаш дар фуд тохкаш бола болх, 85%-га кхоачаш, дӀабахьа аьттув ба.
Цо дикка аттача доаккх унахой, лорий гӀулакх. Къамаьлаца новкъостал деш волча гӀончо ИИ оагӀонцара болх, каьхаташ кийчдар 30%-га кхоачаш сихагӀа хулийт, кол-моттигашта тӀалатта низ 40% лохагӀа ба. Шоай лоархӀамегӀа дола гӀулакхаш - унахошта эшачунга хьажар боаггӀача боараме чакхдаккха аьттув луш да из деррига.
«Москваца, Татарстанаца бувзам лоаттабеш, ЕГИСЗ федеральни платформах дӀахотталу тхо, ИТ – лерхӀамех коггӀортолга еш. Технологически хьал, иштта кхыдараш тоадеш болх ба из тахан», - белгалдир вай мехкадас Келаматанаькъан Махьмуд-Ӏаьлас.
