Уж программаш вай мехка йоаржаярах дийцар Мехкадаь, Паччахьалкхен зарбан болх лелабераша. «Юртара хьехархо» яхача программага гӀолла вай мехка болх беш 343 саг ва, «Юртара хьехархо» яхача программага гӀолла-22 хьехархо.

«Къаман гӀулакха латтар хьаллоацаш, тхьовра денз хьадахьаш дола Россе Ӏадат дийндеш да из гӀулакх. Юртарча наха гӀо деш хинна хьехархой, лораш массахана лакхача лагӀа тӀа лаьттаб. Шоай къаман дог лазача, цар хьал теркалдеча, даиман цар гӀулакха латта кийча болча наьха гӀулакх да из.

Таханарча хана, юрташкара бувлаш шахьарашка дӀааха безаргбоацаш, шоаш бахача юрта дарба де лораш, дика хьехархой хила беза наха», - белгалдир вай мехкадас Келаматанаькъан Махьмуд-Ӏаьлас. Белгалде деза, тӀадоагӀача шера Путин Владимира чӀоагӀонца юкъейоаккхаргйолаш «Юртара культуран болхло» яха программа йолга.