ГӀалгӀайче дӀахьоргья шийлача герза фестиваль
ОагӀой бетта 6-ча денгара 8-ча денга кхаччалца, Наьсарен Йовлой Берда цӀерагӀча спорта цӀагӀа дӀахьоргья «Шалта-2024» яха Халкъашта юкъера шийлача герза фестиваль. Из кхетаче хетаяьй ГӀалгӀай паччахьалкхе хьакхелла 100 шу дизара.
Фестиваль искусство езарашта дикагӀчарех цаӀ хургья исторен чухьа. Укхаза го йиш я 1000 шийла герз, уж даьд ГӀалгӀайчен, Селий мехка, ГӀабартой-Балкхарой, Къилбаседа ХӀирий , Челябински областа говзанчаша. Белгалду, цу гойтаме хургба ГуржегӀара хьаьший. Юкъара хьаийцача 10 000 саг хургва цига дакъа лоацаш.
Фестивала программа тайп-тайпара я: цига хургболча наха гойта оттаяьй шоаш моргаш кхы йоаца экспонаташ, говзанч-классаш, иштта чам баккха йиш хургья къаман даарах, берашта лаьрхӀа салоӀама кхетаченаш а хургья. Цул совгӀа, кхоллама коллективаша шоай начӀал гойтаргда, ширача заман герза таьрг хургья. «Шалта-2024» премеш лургья котбаьннарашта. Цига го йиш хургья «Истинг» яхача цхьанкхетара говзанчий балхаш.
