Эса бердаш цӏендеш къахьега лерхӏ
Гӏалгӏайче тов бетта 27-ча дийнахьа боккха болам дӏахьоргба, Эса йистош цӏенъеш, из дӏахьош ба «Россе хий» яхача мехка проектах. Кхетаче вӏашагӏъеллай Шолжа хин Денна хетаяь, яхаш, дийцар Гӏалгӏай Республикан Кулгалхочун, Паччахьалкхен зарбан болх лелабераша.
Республика хьалхарча даькъе латташ я юрташ экологически цӏена лелаяра даькъ тӏа. Дӏадахача шера итташ эзараш нах-волонтёраш, студенташ, дешархой, паччахьалкхен урхаллений болхлой хилар 100 км берда йистош цӏенъеш, цигара гулдир 8 000 галий нувхаш.
Гӏалгӏайчен Кулгалхочо Келаматанаькъан Махьмуд-ӏаьлас ший бувззама оагӏонашка белгалдир, хӏара шера республикан бахархоша массехк эзар тонн нувхаш гулъеш хилар. Цо тӏахьийхар гонахьара ӏалам лорадара.
«Сона хетачох, из хӏаранена уйла е дика бахьан да - шийна тӏехьа нувхаш цайитар. Хьалхарча аргӏагӏа из да гонахьарча ӏаламца лерхӏам цахилар, иштта из лорадерашца а», - аьлар цо.
Республикан кулгалхочо баркал аьлар из хьал бе-башха доацаш мел болча Гӏалгӏайчен тбахархошта, цар лораю моттигера экологи.
